සමාජීය විද්‍යා පීඨය-කැළණිය විශ්වවිද්‍යාලය

සමාජීය විද්‍යා පීඨය

1. ශාස්ත්‍රවේදී උපාධි පාඨමාලා (තුන් අවුරුදු) – මානව විද්‍යාව, පුරා විද්‍යාව, සංවර්ධන අධ්‍යයනය, ආර්ථික විද්‍යාව, භූගෝල විද්‍යාව, ඉතිහාසය, ජාත්‍යන්තර අධ්‍යයනය, පුස්තකාල හා විඥාපන විද්‍යාව, ජන සන්නිවේදනය, දර්ශනය, දේශපාලන විද්‍යා -ව, මනෝ විද්‍යාව, මහජන සම්බන්ධතා හා මාධ්‍ය කළමනා කරණය, සමාජ සංඛ්‍යානය, සමාජ විද්‍යාව, ක්‍රීඩා හා විශ්‍රාන්ති කළමනා කරණය, සංචාරක හා සංස්කෘතික සම්පත් කළමනාකරණය යන විෂයයන්.
2. ශාස්ත්‍ර වේදී ගෞරව උපාධි පාඨමාලා – ඉහත අංක 1 යටතේ ඇති මානව විද්‍යාව හැර අනෙකුත් සියලුම විෂයයන්. සංවර්ධන අධ්‍යයනය සහ භූගෝල විද්‍යා උපාධි වැඩසටහන් සිංහල සහ ඉංග්‍රීසි මාධ්‍ය ද්විත්වයෙන්ම පැවැත් වේ.
3. සාමය හා ගැටුම් කළමනා කරණය (සිව් අවුරුදු) ශාස්ත්‍රවේදී ගෞරව උපාධිය පාඨමාලාව – විශ්ව විද්‍යාල ප්‍රවේශය සඳහා අවම සුදුසුකම්, සපුරා ඇති අ.පො.ස (උ/පෙළ) විෂයයන් තුනක් සමත් අය මෙම සිව් අවුරුදු උපාධි පාඨමාලාව හැදෑරීම සඳහා සුදුසුකම් ලබයි. මෙම ගෞරව උපාධි පාඨමාලාව ඉංග්‍රීසි මාධ්‍යයෙන් පවත්වනු ලබයි.
4. ජාත්‍යන්තර අධ්‍යයන ශාස්ත්‍ර වේදී ගෞරව උපාධි පාඨමාලාව ඉංග්‍රීසි මාධ්‍යයෙන් පවත්වනු ලබයි.

සමාජය විද්‍යා පිඨයේ විෂයයන් තෝරා ගැනීමේදී පූර්ව අවශ්‍යතා වශයෙන් පහත සඳහන් කරුණු සම්පූර්ණ කර තිබිය යුතුය.

1. සමාජ සංඛ්‍යානය විෂය සඳහා අ. පො. ස. (සා. පෙ) විභාගයෙන් ගණිතය විෂයට සමාන සාමාර්ථ ලබා තිබීම.
2. භූගෝල විද්‍යා විෂය සඳහා අ.පො.ස. (උ.පෙ) විභාගයෙන් එම විෂය සමත් වී තිබීම.

අනෙකුත් විෂයයන් සඳහා පූර්ව අවශ්‍යතා නොමැත.

මානවශාස්ත්‍ර සහ සමාඡය විද්‍යායන පීඨ දෙක මගින් ඉදිරිපත් කරන ශාස්ත්‍ර වේදී උපාධි පාඨමාලාව අධ්‍යයන වර්ෂ 3 කින්ද ශාස්ත්‍ර වේදී ගෞරව උපාධි පාඨමාලාව අධ්‍යයන වර්ෂ 4 කින් ද සමන්විත වේ.

එක් අධ්‍යයන වර්ෂයක් අධ්‍යයන වාර 2 කින් හෙවත් අර්ධ වාර්ෂික දෙකකින් සමන්විත වන අතර එම අධ්‍යයන වාරයක් සති 15 කින් සමන්විත වේ. ශාස්ත්‍ර වේදී හා ගෞරව උපාධි පාඨමාලා විෂය ඒකක ක්‍රමය මත පදනම් වේ. විෂය ඒකකයක් යනු කිසියම් අධ්‍යයන සම්භාර (Credit) වටිනාකමක් ඇති විෂයය කොටසකි.

උපාධි පාඨමාලාවක් සම්පුර්ණ කිරීමට නියමිත අධ්‍යයන සම්භාර (Credit) ප්‍රමාණයක් ඇත. එම ප්‍රමාණය ඇතුළත් වන පරිදි පාඨමාලා ඒකක තෝරා ගැනීමට ශිෂ්‍යයන්ට අවකාශය ලැබේ.

ප්‍රධාන විෂයයන් 2ක ධාරාව යටතේ නෝ ප්‍රධාන විෂයයන් 3 ක ධාරාව යටතේ ශාස්ත්‍රවේදී උපාධිය හැදෑරීමට හැකියාව ඇත. තම විෂය සංකලනයේ අනිවාර්ය පාඨමාලා ඒකක හැදෑරීමට අතිරේකව, මානවශාස්ත්‍ර, සමාඡීය විද්‍යා. වාණිජ හා කළමනා කරණ අධ්‍යයන සහ විද්‍යා යන සෙසු පීඨයන් මගින් ඉදිරිපත් කරනු ලබන ඇතැම් පාඨමාලා ඒකක ද තම රුචිය පරිදි තෝරා ගෙන හැදෑරීමට මෙම ක්‍රමය මගින් අවකාශ සලසා තිබේ.

ශාස්ත්‍රවේදී ගෞරව උපාධි පාඨමාලා හැදෑරීම සඳහා ප්‍රථම වසර අවසාන පරීක්ෂණයෙන් ඉහළ සාමර්ථයක් ලබා ගත යුතුය.