නව ආහාර සූත්‍රණයේදී සංවේදක ඇගයීමේ භාවිතය

නව ආහාර සූත්‍රණයේදී සංවේදක ඇගයීමේ භාවිතය කෙටියෙන් පැහැදිලි කරන්න.

සංවේදක ඇගයීමක් යනු ආහාරයක රස, සුවඳ, වයනය වර්ණය යන මානයන් භාවිතා කරමින් පාරිභෝගික රුචිකත්වය අනුව යම් ආහාරයක් ඇගයීමට ලක් කිරීම වේ.

• යොදා ගන්නා පරීක්ෂණාගාරය ශබ්ද වලින් හා විවිධ ගන්ධ වලින් තොර ස්ථානයක් ලෙස සැකසීම.
• පරීක්ෂණාගාරයේ පරිසර උෂ්ණත්වය 18C° 21 Cº අතර සහ සාපේක්‍ෂ ආර්ද්‍රතාව 40% පමණ විය යුතුය.
• පරීක්ෂණයට ලක්කරන ආහාර සාම්පල හැකිතාක් සම රූපී ව පවත්වා ගැනීම.
• පරීක්ෂණයට සහභාගී වන ඇගයීම් මණ්ඩල සාමාජිකයන්ගේ අංග චලන හෝ අදහස් හුවමාරු විය නොහැකි පරිදි පරිසරය සැකසීම.
• නිර්මාණය කල ආහාරය එකිනෙකට සුවිශේෂි බවකින් තොරව මේසය මතසැකසීම.
• සංවේදීතාව ඉහල මට්ටමක ඇති සුවිශේෂී පුහුණුවක් ලත් පුද්ගලයින් යොදවා ගැනීම.

උදා :

• දුම්පානයෙන් තොරවීම.
• බුලත් විට නොකෑම
• දිවේ, නාසයේ ආසාදන නොතිබීම
• ආහාරයේ රසයට බලපෑ හැකි ඖෂධ භාවිතා නොකිරීම.
• සාම්පල් වල රස බැලු පසු එම රස දිවෙන් ඉවත් කිරීමට ක්‍රීම් ක්‍රැකර් බිස්කට් කොටසක් අනුභව කර කට සේදීම.
• ලබාගන්නා දත්ත කේත ක්‍රමයක් මගින් ඇගයීම් පත්‍රිකාවේ සටහන් කර සංඛ්‍යා විද්‍යාත්මකව විශ්ලේෂණය කිරීම.