ශ්‍රී ලංකාවේ බහුලව යොදා ගන්නා විවිධ තවාන් ක්‍රම

තැනිතලා තවාන් – Flat bed

• පොළවේ මට්ටමටම තවාන් පාත්තිය සකසයි.

නොරිදොකෝ තවාන් / කුට්ටි තවාන්

• ලී රාමුවක් ගෙන එයට හලාගත් මතුපිට පස් හා කාබනික පොහොර එකට එක අනුපාතයට මිශ්‍ර කොට ජලය දමා තලපයක් සේ අනා ලී රාමුව පුරවයි.
• දිග හා පළල සෙ.මී. 5 ක් වන පරිදි කුට්ටි කැපෙන සේ මිශ්‍රණය මත රේඛා ලකුණු කොට එක් කුට්ටියක එක් බීජය බැගින් සිටුවයි.

උදා : Cucurbitaceae කුලයේ බීජ

• කුඩා පැළය පස් කුට්ටිය සමග වෙන් කරන නිසා මුල්වලට වන හානිය අවමයි.

වැලි තවාන

• ශාක බද්ධ කිරීමේ දී ග්‍රාහක පැළ ලබා ගැනීම සඳහා වැලි තවාන යොදා ගනී

උදා : අලිපේර, රබර්, අඹ

• පළල මීටර් 1 ක් දිග මීටර් 3 ක් වන පරිදි ගඩොල් දෙකක් එකමත තබා හතර වටේට බැදගනු ලැබේ. හලාගත් සියුම් ගංගා වැලි යොදා මට්ටම් කර නියමිත පරතර වලින් බීජ සිටවා තුනී වැලි තට්ටුවකින් වසයි.

මඩ තවාන

• වී වගාවේ බහුලව යොදා ගනී
• තවානට සුදුසු ස්ථානයක් තෝරා ගෙන ඉතා සියුම් ලෙස බිම් සකසා යහන් කරන ලද වී බීජ ඒකාකාරීව වපුරයි.
• මුල් දින 3-4 දී ජල සම්පාදනය අවශ්‍ය නොවන අතර පස තෙත්ව තිබිය යුතුය. දින 21 කට පසු පැළ ගලවා සිටවයි.

ඩැපොග් තවාන

• මෙම තවාන ක්‍ෂේත්‍රයේම හෝ නිවසෙහි හෝ වෙනත් සුදුසු ස්ථානයක පිළියෙළ කළ හැකිය.
• වී වගාවේ ගොයම් පැළ සිටවන යන්ත්‍රය මගින් පැළ සිටවීමේ දී යොදා ගනී.
• තවාන් පාත්ති මත කෙසෙල් කොළ හෝ පොලිතින් කොළයක් අතුරා බීජ පාත්තියෙන් පිටතට විසිරී යාම වැළැක්වීමට ගඩොල් කැට තබා ස්ථානය සකස් කර ගනි.
• ඩීජ 3, 4 ක් ඝනකමට සිටින සේ යහන් කරන ලද බීජ අතුරා වසුනක් යොදයි.
• බීජ ප්‍රරෝහණය වන විට ලෑල්ලකින් වරින් වර තද කරයි.
• දින 14 ට පසුව පැළ ක්‍ෂේත්‍රයේ සිටවිය හැකි වේ.
• තවාන ක්‍ෂේත්‍රය දක්වා ප්‍රවාහනය කිරීම ඉතා පහසුය.

බඳුන් තවාන්

• එළවළු බීජ, මල් වර්ග තවාන් දැමීමට යොදා ගනී.
• මේවා එක්වරක් පමණක් භාවිතා කරන බඳුන් හා කිහිපවරක් භාවිතා කිරීමට යොදා ගන්නා බඳුන් පවති.
• බඳුන පතුලේ සිදුරු සකස් කොට තවාන් මාධ්‍ය පුරවා සකස් කර ගෙන රෝපණ ද්‍රව්‍ය සිටවා නඩත්තු කරයි.

උදා : කළු පොලිතින් බඳුන් / හිස් ප්ලාස්ටික් බඳුන් / කඩදාසි බෑග් / Compost