ශාක රෝග හට ගැනීම හා ව්‍යාප්තිය කෙරෙහි පාරිසරික සාධකවල බලපෑම

ශාක රෝග හට ගැනීම හා ව්‍යාප්තිය කෙරෙහි පාරිසරික සාධකවල බලපෑම විස්තර කරන්න.

ශාක රෝගයක් යනු,

යම් සාධකයක් නිසා මුළු ශාකයේම හෝ ශාක කොටසක හෝ සාමාන්‍ය තත්ත්වයෙන් සිදුවන අපගමනයකි.

හෝ

ශාකයක පෙර අසාමාන්‍ය වර්ධනයක් හෝ දුකෘත්‍යක් ඇති වීම ශාක රෝගයක් වේ.

• උෂ්ණත්වය
• උෂ්ණත්වය වැඩිවිට ආර්ද්‍රතාවය ද වැඩිවන අතර මේ හේතුවෙන් දීලිර බැක්ටීරියා වැනි රෝග හට ගැනීම හා ව්‍යාප්තිය වැඩිය.
• ආර්ද්‍රතාවය
• වායූ ගෝලීය ආර්ද්‍රතාවය වැඩි තෙත් පරිසරවල දිලිර හා බැක්ටීරියා රෝග ව්‍යාප්තිය වැඩිය.
• සුළඟ
• සුළඟ මගින් දිලිර බැක්ටීරියා ආදියේ බීජාණු ගසාගෙන යාම සිදු වේ. එවිට රෝග ව්‍යාප්තිය වැඩි වේ.
• වෛරස් රෝග ද සුළඟ ඔස්සේ ව්‍යාප්ත වේ
• උදා : කෝපි මළකඩ රෝගය සාදන දිලිර බීජාණු වාතය හරහා පැතිරේ.
• වර්ෂාපතනය
• වර්ෂාපතනය අධික විට දිලීර බැක්ටීරියා ආදී රෝග කාරකයින්ගේ ව්‍යාප්තිය වැඩිය.
• උදා : කපු වල බැක්ටීරියා අංග මාරයට හේතු වන බැක්ටීරියාව වැහි බින්දු හරහා පැතිරේ.
• ආලෝකය
• ශාක සූර්යාලෝකයට නිරාවරණය වීම හේතුවෙන් රෝගකාරක බැක්ටීරියා, දිලීර, බීජාණු විනාශ වීම නිසා රෝග හට ගැනීම සහ පැතිරීම අඩු වේ.
• පාංශු තෙතමනය
• පස නිතර තෙත්ව පවතින, ජල වහනය දුර්වල පස්වල බැක්ටීරියා හා දිලිර රෝග ව්‍යාප්තිය වැඩිය.
• උදා : දුර්වල ජලවහනය – දියමලං කෑම
• පාංශු PH අගය
• පස ආම්ලික හෝ භාෂ්මික වීම රෝග ව්‍යාප්තියට හේතු වේ.
• උදා : ආම්ලික පසේ ගෝවා බරවා රෝගය භාෂ්මික පසේ අර්තාපල් කබොළු රෝගය
• පාංශු පෝෂක
• වගා ක්‍ෂේත්‍ර වලට අක්‍රමවත් ලෙස පෝෂක යෙදීම නිසා සමහර පෝෂක බහුල වීමත් ඇතැම් පෝෂක හිඟ වීමත් නිසා පහසුවෙන් රෝග ග්‍රාහී වේ.
• උදා : නයිට්‍රජන් අධික පසෙහි වී කොළ පාළු රෝගය දරුණු ලෙස ව්‍යාප්ත වේ.