ශ්‍රී ලංකාවේ කෘෂිකාර්මික නිෂ්පාදනයට ආගන්තුක හා ආක්‍රමණශීලි වල්පැළෑටිවල බලපෑම

ශ්‍රී ලංකාවේ කෘෂිකාර්මික නිෂ්පාදනයට ආගන්තුක හා ආක්‍රමණශීලි වල්පැළෑටිවල බලපෑම විස්තර කරන්න.

ආගන්තුක ආක්‍රමණශීලි වල්පැළෑටි යනු වෙනත් රටක පරිසර පද්ධතියක ජන්මය ලබා ඒ හා සමාන පරිසර පද්ධතියක් සහිත රටකට පැමිණ එම පරිසර පද්ධතියට හා ජෛව විවිධත්වයට හානි පමුණුවන ඕනෑම ශාකයකි.

කෘෂි වගා බිම්වල, වගා කටයුතු අපහසු වීම

• බිම් සැකසීම වැනි ක්‍ෂේත්‍ර කටයුතු වලදී කටු සහිත, ගැඹුරු මුල් පද්ධති සහිත ආගන්තුක ආක්‍රමණශීලී වල් පැළෑටි තිබීමෙන් එම කටයුතු වල කාර්යක්ෂමතාවය අඩු වීම. නිසි කලට බිම් සැකසීම කරගැනීමට නොහැකි වීමෙන් අස්වනු අඩු වීම.

වගාබිම්වල බෝග ශාක වර්ධනයට බලපෑම් ඇති කිරීම

• ආගන්තුක ආක්‍රමණශීලී ශාක, බෝග ශාක, සමග ඉඩකඩ, පෝෂක, හිරු එළිය, ජලය ලබා ගැනීම සඳහා තරඟ කරිව ක්‍රියා කරන බැවින් බෝග වර්ධනය දුර්වල වී අස්වනු අඩු වේ.

ජෛව විවිධත්වයට බලපෑම

• ආගන්තුක ආක්‍රමණශීලී ශාක ඒවා පැතිරී ඇති පරිසර පද්ධතියේ’ ජෛව විවිධත්වයට බලපෑම් ඇති කරයි.
• එවිට දේශීය ප්‍රභේද පරිසරයෙන් තුරන් වී සමතුලිතතාව බිඳ වැටීමෙන් බෝග ශාකවලට රෝග පළිබෝධ හානි වැඩිවී අස්වැන්න අඩුවේ.

පස හායනයට ලක් වීම

• බොහොමයක් ආගන්තුක ආක්‍රමණශීලි වල් පැළෑටි පසේ පෝෂක බහුලව ප්‍රයෝජ්‍ය කරන බැවින් හා වෙනත් ශාක ප්‍රභේද වර්ධනයට බලපෑම් ඇති කරන නිසා පාංශු හායනය සිදු වී බෝග අස්වනු අඩු කරයි.උදා : Lantana camara (හිඟුරු/ ගඳපාන)

නිෂ්පාදන වියදම වැඩිවීම

• බොහොමයක් ආගන්තුක ආක්‍රමණශීලී ශාක C4 නිසා වර්ධනය වේගවත් වී පරිසර පද්ධති ආක්‍රමණය වේගවත්ව සිදු කරයි. එම නිසා මර්ධනය අපහසුයි.
• එවිට ආගන්තුක ආක්‍රමණශීලී ශාක මර්ධනය කිරීමට යන කාලය හා වියදම අධික වේ. මේ නිසා නිෂ්පාදන වියදම ඉහළ යයි.