දෙවන පරාක්‍රමබාහු රජතුමා

දෙවන පරාක්‍රමබාහු රජතුමා

• දෙවන පරාක්‍රමබාහු රජු (1236-1270) දඹදෙණිය රාජධානිය කරගත් පළමුවන පාලකයා වූ තුන්වන විජයබාහු රජුගේ පුත්‍රයාය.
• මේ රජුගේ රාජ්‍ය සමය දේශපාලන, ආර්ථික, ආගමික හා සංස්කෘතික වශයෙන් කැපී පෙනෙන අවධියක් විය.

 දේශපාලන

• අභ්‍යන්තර හා විදේශ ආක්‍රමණ ජයගනිමින් දේශපාලන ස්ථාවරත්වයක් ගොඩනැගීම.
• වන්නි පාලකයින් අවනත කරගැනීම.
• කාලිංග මාඝ පළවා හැරීම.
• චන්ද්‍රභානුගේ ආක්‍රමණ පරාජය කිරීම.
• පාණ්ඩ්‍ය ආක්‍රමණ මැඩලීම (මේ පිළිබඳ මූලාශ්‍රගත තොරතුරු අපහැදිලිය).

ආර්ථික

• විදේශ වෙළෙඳාම (දෙවුන්දර පුවරු ලිපිය).
• පොල්, කොස්, කපු වගාවන් සිදු කරවීම.
• ආගමික හා සංස්කෘතික
• දඹදෙණියේ දළදා මැදුරක් ඉදිකරවීම.
• දළදා වහන්සේ බෙලිගල සිට දඹදෙණියට වැඩමකරවීම හා දළදා පූජා පැවැත්වීම
• උපසම්පදා කර්මයට අනුග්‍රහ දැක්වීම හා කඨින පූජෝත්සව පැවැත්වීම.
• ශාසන සංශෝධනය හා දඹදෙණි කතිකාවත ප්‍රකාශයට පත් කරවීම.
• අනුරාධපුර හා පොළොන්නරු නගර ප්‍රතිසංස්කරණය කිරීම.
• දිවයිනේ විවිධ ස්ථානවල වෙහෙර විහාරස්ථාන ප්‍රතිසංස්කරණය කිරීම.
• භික්ෂු අධ්‍යාපනයට අනුග්‍රහ දැක්වීම.
• පිරිවෙන් ඉදිකරවීම (නන්දන පිරිවෙන, පළාබත්ගල, බෙලිගල භුවනෙකබාහු පිරිවෙන්).
• දෙවිනුවර උපුල්වන් දේවාලය ප්‍රතිසංස්කරණය කිරීම හා වාර්ෂික ඇසළ පෙරහැර පවත්වන්නට නියම කිරීම.
• ශ්‍රී පාදස්ථානයට යන මාර්ගය පිළිසකර කරවීම.
• රජතුමා උගත් පඬිවරයෙක්වීම හා ග්‍රන්ථකරණයේ යෙදීම (කව්සිළුමිණ, විසුද්ධිමග්ගසන්නය, වන විනිසසන්නය)
• රජතුමා ‘කලිකාල සාහිත්‍ය සර්වඥ පණ්ඩිත’ යන විරුදයෙන් හැඳින්වීම.
• රජු ග්‍රන්ථකරණයට අනුග්‍රහ දැක්වීම: මෙකල සිංහල, පාලි හා සංස්කෘත යන භාෂාවන්ගෙන් විවිධ ක්‍ෂෙත්‍ර අළලා ගද්‍ය හා පද්‍ය ග්‍රන්ථ රචනාවීම (පූජාවලිය, දෛවඥකාමධෙනු, හත්ථවනගල්ල විහාර වංසය, භෙසජ්ජ මඤ්ජුසා, සද්ධර්ම රත්නාවලිය, යෝගාර්ණවය, සමන්තකූට වණ්ණනා).