ඇමෙරිකානු විප්ලවයේ පසුබිම

ඇමෙරිකානු විප්ලවයේ පසුබිම

ආර්ථික සාධක

• එංගලන්තය ඇමෙරිකාවේ ඉංග්‍රීසි ජනපද සම්බන්ධයෙන් අනුගමනය කළ වාණිජවාදී ප්‍රතිපත්තිය, එහි ප්‍රධාන අරමුණු වූයේ අමෙරිකානු ජනපද තම නිෂ්පාදන සඳහා වෙළදපොළක් ලෙසත්, තම පරිභෝජනයට හා කර්මාන්ත සඳහා අවශ්‍ය ද්‍රව්‍ය නිපදවන ස්ථාන ලෙසත් තබා ගැනීමයි.
• එංගලන්තයේ මෙම ප්‍රතිපත්තිය නාවික පනත් හා නීති මගින් ක්‍රියාත්මක වීම.
• එංගලන්තයේ නිපදවන ඇතැම් භාණ්ඩ ජනපදවල නිපදවිම තහනම් කිරීම.
• නම් කළ භාණ්ඩ ලෙස හැඳින්වූ භාණ්ඩ එංගලන්තයට පමණක් අලෙවි කළ යුතු යයි කියම කිරීම (දුම්කොළ, කපු, සීනි)
• ජනපදවලින් ලබාගත් අමුද්‍රව්‍ය වලින් එංගලන්තයේදී නිෂ්පදනය කරන ලද භාණ්ඩ එංගලන්තය විසින් නියම කරන ලද මිල ගණන්වලට ජනපදවාසීන්ට අලෙවි කිරීම.
• ජනපදවල භාණ්ඩ ප්‍රවාහනය, එංගලන්තයට අයත් නැව්වලින් පමණක් කළ යුතු බව නියම කිරීම.

මෙම ආර්ථික ප්‍රතිපත්තියට යටත්විජිතවාසීහූ විරුද්ධ වූහ.

දේශපාලන සාධක

• එංගලන්තයේ පාර්ලිමේන්තුව විසින් ජනපදවලින් බදු අය කරගනු ලැබීම පිළිබඳව ජනපදවාසීන් තුළ පැවති විරෝධය, ක්‍රමයෙන් එංගලන්තයේ පාලනයෙන් දේශපාලන නිදහස ලබාගන්නා ක්‍රියා මාර්ගයක් බවට පරිවර්තනය වීම.
• සත් අවුරුදු යුද්ධයෙන් (1756- 1763) පසු ඉංග්‍රීසි ජනපදවලට තිබූ ප්‍රංශ තර්ජනය මෙන්ම රතු ඉන්දියානු තර්ජනය ඉවත් වූ නිසා ඉංග්‍රීසි හමුදාවල ආරක්‍ෂාව පෙර පරිදි ජනපදවාසීන්ට අවශ්‍ය නොවීම.

• එහෙත් ඉංග්‍රීසි පාර්ලිමේන්තුව, ඇමෙරිකාවේ තිබු ජනපදවාසීන්ගේ නියෝජිතයන්ගෙන් යුත් ව්‍යවස්ථාදායක සභාවල අනුමැතියකින් තොරව, ඉංග්‍රීසි හමුදාවල නඩත්තුවට යයි ප්‍රකාශ කරමින් නව බදු පැනවීම, ටවුන්ෂෙන්ඩ් පනත්, විදුරු බද්ද, මුද්දර බද්ද ,තේ බද්ද ආදිය පැනවුවා පමණක් කොට ඒවා දැඩි ලෙස ක්‍රියාත්මක කිරීමට ද උත්සාහ ගැනීම.

• ජනපදවාසීන්ගේ උද්ඝෝෂණ හමුවේ ඇතැම් බදු අවලංගු කරන ලද නමුත්, ජනපදවලින් බදු අයකිරීමේ අයිතිය ඉංග්‍රීසි පාර්ලිමේන්තුවට තිබෙන බව ප්‍රකාශ කරමින් තේ බද්ද පමණක් අවලංගු නොකිරිම.

• එහෙත් ඉංග්‍රීසි පාර්ලිමේන්තුවට ඇති එම අයිතිය ප්‍රතික්ෂේප කළ ජනපදවාසීන් බොස්ටන් වරායේ තිබූ තේ පෙට්ටි තොගයක් මුහුදට විසිකොට (බොස්ටන් තේ සාදය) “නියෝජනයක් නැති නම් බදුත් නැත” යන සටන් පාඨය යටතේ ඇමෙරිකානු නිදහස් සටන 1775 දී ආරම්භ කිරීම.

• 1775 දී දෙපක්ෂය අතර ගැටුම් ඇතිවීම, 1776 ජුලි 4 දා ජනපදවාසීන් ඇමරිකානු ස්වාධීනතා ප්‍රකාශනය නිකුත් කිරීම. 1783 දී ජනපදවාසීන් එංගලන්ත හමුදා පරාජය කොට, ඇමෙරිකා කිදහස් සටන් ජයගැනීම.