ජලජ පරිසර පද්ධති දූෂණය වීමට ධීවර කර්මාන්තය දායක වන ආකාරය

ජලජ පරිසර පද්ධති දූෂණය වීමට ධීවර කර්මාන්තය දායක වන ආකාරය පැහැදිලි කරන්න.

• ධීවර යාත්‍රා කොරල් මත නැංගුරම් ලෑම නිසා කොරල්පර හානි වීම.
• දිගු එරාව සහිත යාත්‍රා භාවිතයෙන් හා කොරල් පර වලට හානිකර පන්න භාවිතය.
• යාත්‍රා මගින් පිටකරන තෙල් ජලයට එකතු වීම.
• මුහුදේ හෝ ගංඟාවල යාත්‍රාකරණයේ දී සිදුවන අනතුරු (තෙල් හෝ රසායනික ද්‍රව්‍යය ප්‍රවාහනයේ දී සිදුවන යාත්‍රා අනතුරු) නිසා තෙල් හෝ රසායනික ද්‍රව්‍ය ජලයට එක්වීම.
• යාන්ත්‍රික යාත්‍රා නොගැඹුරු ජලාශ වල භාවිතය නිසා ජලය කැලතීම. එම නිසා ජලාශ පතුලේ පරිසරය විනාශ වීම.
• මෝටර් බෝට්ටු මගින් ඇතිවන අධික ශබ්ධය නිසා ජලජ ජිවින්ගේ පැවැත්මට අහිතකර බලපෑම් ඇතිවීම.
• තල්දු දැල, මා දැල, ට්‍රෝලිං දැල් යොදාගෙන මසුන් ඇල්ලීම නිසා ස්වාභාවික පරිසර පද්ධතිය විනාශ වීම.
• මසුන් මැරීමට ඩයිනමයිට් වැනි පුපුරන ද්‍රව්‍යය නිසා ඇතිවන කම්පනය හේතුවෙන් විශාල ප්‍රදේශයක ජීවත් වන සියලුම ජීවින් හා ඔවුන්ගේ බිත්තර ද, පරිසරය ද විනාශ වීම.
• අනිසි ලෙස ජලජ ජීවීන් ස්වභාවික පරිසර පද්ධතිවලට එක් කිරීම.

උදා : ටිරානා, මන්නාවා වැනි මත්ස්‍ය වර්ග

• කුඩා ඇස් සහිත දැල් භාවිතයෙන් මසුන් ඇල්ලීම නිසා කුඩාම පැටව් නෙලීමෙන් මත්ස්‍ය සම්පත ඉක්මනින් විනාශ වීම.
• කඩොලාන ශාක සහිත එම පරිසරයේ ඉස්සන් කොටු ඇතිකිරීමෙන් කඩොලාන පරිසර පද්ධතිය දූෂණය වීම.