ආහාර බෝග නිෂ්පාදනයේදී, බීජ මඟින් බෝග ප්‍රචාරණය කිරීමේ වැදගත්කම

ආහාර බෝග නිෂ්පාදනයේදී, බීජ මඟින් බෝග ප්‍රචාරණය කිරීමේ වැදගත්කම පැහැදිලි කරන්න.

• කෘෂි කාර්මික කටයුතුවල දී නව ප්‍රභේද ඇති කිරීමට බීජ වැදගත් වේ.
• එක් ශාකයක බීජ විශාල ප්‍රමාණයක් නිපදවන නිසා පැල විශාල සංඛ්‍යාවක් ලබාගත හැකිය.
• බීජ අහිතකර කාල තරණය කරන නිසා අහිතකර කාල වලින් පැල ආරක්ෂා කර ගැනීමට වැදගත් වේ.
• බීජ ප්‍රරෝහනයෙන් ලැබෙන ශාකවල මුදුන් මුලක් ඇති නිසා නියං තත්ත්ව වලදී ශාකයට ඔරොත්තු දීමේ හැකියාව ලැබේ.
• වර්ධක ප්‍රචාරණයෙන් බෝකරගත නොහැකි ශාක ප්‍රචාරණයට වැදගත් වේ.
• බද්ධ කිරීම සඳහා ග්‍රාහක පැල ලබා ගැනීමට බීජ මගින් ප්‍රචාරණය වැදගත් වේ.
• බීජ, ජලය, සුළඟ, සතුන් වැනි විවිධ ව්‍යාප්තකාරක මගින් විශාල ප්‍රදේශයක බෝග ව්‍යාප්ත කිරීමේ හැකියාව ඇත.
• බීජ මගින් අඩු මුදලකින් හා අනෙක් ප්‍රචාරණ ක්‍රම වලට වඩා පහසුවෙන් නව ශාක ප්‍රචාරනය කරගත හැක.
• ජාන විවිධත්වය වැඩි කරයි.
• ජෛව සම්පත් සංරක්‍ෂණයේ දී පහසුය.