ආහාර සුරක්‍ෂිතතාව පවත්වා ගැනීම සඳහා මිශ්‍ර බෝග වගාවේ කාර්යභාරය

ආහාර සුරක්‍ෂිතතාව පවත්වා ගැනීම සඳහා මිශ්‍ර බෝග වගාවේ කාර්යභාරය විස්තර කරන්න.

ආහාර සුරක්ෂිතතාවය යනු.

යම්කිසි ප්‍රදේශයක වෙසෙන ජනතාවට, ප්‍රමාණවත් තරම් ආහාර අවශ්‍ය ගුණාත්මයෙන් යුතුව ලබා ගැනීමට ඇති හැකියාවයි.

මිශ්‍ර බෝග වගාව යනු.

යම් ක්‍ෂේත්‍රයක බෝග විශේෂ දෙකක් හෝ වැඩි ප්‍රමාණයක් එක විට වගා කිරීමයි.

ආහාර සුරක්ෂිතතාව පවත්වා ගැනීම සඳහා මිශ්‍ර බෝග වගාවේ කාර්යභාරය

• වසර පුරාම අස්වැන්න ලබා ගත හැකි බැවින් ආහාර සුරක්ෂිතතාවය ඇති වේ.
• විවිධ වර්ගයේ බෝග අස්වනු ලැබෙන බැවින් අවශ්‍ය ගුණාත්මක හා ප්‍රමාණාත්මක අස්වනු ලැබේ.
• ඒකීය භූමී ප්‍රමාණයකින් ලැබෙන අස්වැන්න වැඩි බැවින් ආහාර සුරක්ෂිත බව ඇති වේ.
• විවිධ ගැඹුර ඇති මුල් පද්ධති සහිත බෝග වගා කරන බැවින් පෝෂක පරිසංක්‍රමණය මනාව සිදු වී අස්වැන්න අඩු වීමක් නොවන නිසා ආහාර සුරක්ෂිත බව ඇති වේ.
• මිශ්‍ර බෝග වගාවේදී ස්වාරක්‍ෂක ක්‍රියාව හේතු කොට ගෙන කෘමි හානි හා රෝග පාලනය වන බැවින් ස්ථාවර අස්වැන්නක් ලැබේ.
• විවිධ ශාක වර්ග වගා කිරීමේ දී ඒවායේ උස සලකා බලන බැවින් අස්වනු නෙලීමේ දී පසු අස්වනු හානි අවම වී ආහාර සුරක්ෂිත බව ඇති වේ.
• එක් බෝගයක් විනාශ වූවත් අනෙකුත් බෝග පවතින නිසා අස්වනු විශාල ලෙස අඩු නොවේ.
• ක්‍ෂේත්‍රයේ සෑම ස්ථානයකම ක්ෂුද්‍ර පරිසරය ඒකාකාරී නොවන නිසා ඒ ඒ ස්ථානවලට ගැළපෙන බෝග වගා කිරීමෙන් අස්වැන්න වැඩි වේ.
• මිශ්‍ර බෝග වගාවේ දී පරිසර සංරක්ෂණයක් සිදුවන නිසා දිගුකාලීනව තිරසාර අස්වැන්නක් ලබාගත හැකි වීමෙන් දිගු කාලීනව ආහාර සුරක්ෂිතතාව ඇති වේ.