ආණ්ඩුකරණ ව්‍යූහයක් තුළ ආණ්ඩුවේ කාර්යයන්

ආණ්ඩුකරණ ව්‍යූහයක් තුළ ආණ්ඩුවේ කාර්යයන් කවරේදැයි විස්තර කරන්න.

අභිමතාර්ථ :

මෙම ප්‍රශ්නයෙන් අපේක්‍ෂා කරන්නේ විභාග අපේක්‍ෂකයා සතු

(අ ) ආණ්ඩුවේ ස්වභාවය සහ කාර්යයන් පිළිබඳ දැනුම සහ

(ආ) ආණ්ඩුකරණයේ සමස්ත ආකෘතිය තුළ ආණ්ඩුවේ කාර්යභාරය අවබෝධ කර ගැනීම පිළිබඳව ඇගයීම යි.

මෙහිදී අපේක්‍ෂා කරනුයේ විස්තරාත්මක පිළිතුරකි. එහෙත් විශ්ලේෂණීය හෝ සංකල්පීය කරුණු කළ හැකිය. සහිත පිළිතුරු සඳහා අතිරේක ලකුණු කිහිපයක් ප්‍රදානය කළ හැකිය.

පිළිතුරේ අන්තර්ගත විය යුතු විෂය කරුණු

• ආණ්ඩුව යනු කුමක්දැයි අර්ථ දැක්වීම.
• ආණ්ඩුවේ ප්‍රධාන කාර්යයන් පැහැදිළි කිරීම.
• ආණ්ඩුවේ කාර්යයන් සංවිධානය වී ඇති ආකාරය පෙන්වා දීම සහ සාකච්ඡා කිරීම.

හැඳින්වීම :

ආණ්ඩුව යනු රාජ්‍යයක ප්‍රමුඛ දේශපාලන ආයතනයයි. එසේම එසේම එය රාජ්‍යය සහ පුරවැසියන් අතර පවතින ප්‍රධාන ආයතනිකමය සබඳතාවය ද වෙයි. එම හේතුවෙන්, එය සතුව, සමස්ත ආණ්ඩුකරණ රාමුව තුළ, පළල් පරිමාවක විහිදෙන කාර්යයන් පවතී.

තොරතුරු, විෂය කරුණු සහ සාකච්ඡාව

1. සම්ප්‍රදායිකව ආණ්ඩුවේ ප්‍රධාන කාර්යයන් අංශ තුනක් යටතේ දක්වා තිබේ. ඒවා නම්, ව්‍යවස්ථාදායක, විධායක සහ අධිකරණ යන අංශ තුනයි. වර්තමානයේ පුරවැසි ආරක්‍ෂාව සහ ජාතික ආරක්‍ෂාව, ආර්ථික සහ සමාජීය සංවර්ධනය සහ විදේශ සබඳතා ආදී කාර්යයන් ද ඇතුළත් කෙරෙන වඩාත් පළල් ආර්ථ නිරූපණයක් පවතී.

II එසේම ආණ්ඩුවේ කාර්යයන් අභ්‍යන්තර සහ බාහිර වශයෙන් ද වර්ගීකරණය කළ හැකිය.

බාහිර කාර්යයන් :

(අ) ජාතික ආරක්‍ෂාව සහතික කිරීම (භෞමික අඛණ්ඩතාව, ජාතියේ දේශපාලන නිදහස ආරක්‍ෂා කිරීම සහ රාජ්‍යයේ භෞතික පැවැත්ම සහතික කිරීම)

(ආ) ජාතික ආර්ථික සංවර්ධනය (ජාතියේ සුභ සාධනය, ජාතික අධිෂ්ඨානය (national will) ආරක්‍ෂා කිරීම, ජාතික දේශපාලන දෘෂ්ටිවාදයන් ආරක්ෂා කිරීම)

අභ්‍යන්තර කාර්යයන් :

නීතිය හා සාමය, සමාජ සුබ සාධනය, සමාජ කළමනාකරණය, පාරිසරික කළමනාකරණය, අධ්‍යාපනික හා සංස්කෘතික කාර්යයන්. අපේක්‍ෂකයන් විසින් අදාළ උදාහරණ ද ලබාදීම අපේක්‍ෂා කෙරේ.

1. මෙම අභ්‍යන්තර සහ බාහිර කාර්යයන් සමස්ත ආණ්ඩුකරණ පද්ධතියක් ලෙස සංවිධානය වී තිබේ. මෙම ව්‍යුහයට අමාත්‍යාංශ, දෙපාර්තමේන්තු, මණ්ඩල, බියුරෝ යනාදියත්, ඒවාට අයත් පිරිස් බලයක් අයත් වෙති.
2. ඉහත සඳහන් කළ රාජ්‍යයේ සාම්ප්‍රදායික කාර්යයන්ට අමතරව, ආණ්ඩුව සතු වැදගත් සමාජ කාර්යයන් ද තිබේ. නීතිය හා සාමය සුරැකීම තුළින් සමාජය එකට තබා ගැනීම, ආර්ථික සංවර්ධනය ප්‍රවර්ධනය කිරීම, සමාජ සංවර්ධනයට පහසුකම් සැපයීම, සමාජ සුභසාධනය ඇති කිරීම, සෞඛ්‍යය, අධ්‍යාපනය, ප්‍රවාහනය, ගමනාගමනය ආදී සමාජයට අවශ්‍ය සේවා සැපයීම, රැකියා උත්පාදනයට පියවර ගැනීම යන මේවා ආණ්ඩුව සතු ප්‍රධාන ආණ්ඩුකරණ කාර්යයන් ය. මේ සියල්ල රාජ්‍යයේ සමාජීය කාර්යයන් ය.
3. ඉහත සඳහන් කළ සාම්ප්‍රදායික කාර්යයන්ට අමතරව, ආණ්ඩුවට සමාජීය කාර්යයන් ද තිබේ. නීතිය හා සාමය පවත්වා ගැනීම මගින් සමාජය එකට තබා ගැනීම, සමාජ සාමය පවත්වා ගැනීම, ආර්ථික වර්ධනය ප්‍රවර්ධනය කිරීම, සමාජ සුභ සාධනය, සෞඛ්‍යය, අධ්‍යාපනය, ප්‍රවාහනය, සන්නිවේදන මාර්ග, රැකියා උත්පාදනය යන මේවා ආණ්ඩුවේ ප්‍රධාන කාර්යයන් ය. මේ සියල්ල ආණ්ඩුවේ වැදගත් සමාජ කාර්යයන් ය.
4. නුතන ආණ්ඩුවලට පුළුල් වගකීම් සහ කාර්යභාරයක් තිබේ. සමාජ දේශපාලන ක්‍රමය ආරක්‍ෂා කර පවත්වාගෙන ‌යෑම, රටක්, මහ ජනතාවත්, බාහිර සතුරන්ගෙන් ආරක්‍ෂා කිරීම, මහජන සේවා සැපයීම, රටේ ආර්ථිකය කළමනාකරණය සහ ආදායම් ප්‍රතිව්‍යාප්තිය ඒ අතර ප්‍රධානය.

නිගමනය :

පුළුල් කාර්ය පරිමාවක් සමඟ නූතන ආණ්ඩුවේ කාර්යයන් බෙහෙවින් සංකීර්ණ වී තිබේ. කාර්මික ධනවාදයේ ව්‍යාප්තිය, නාගරිකරණ, සමාජයේ ආර්ථික ක්‍රියාවලින් ව්‍යාප්ත වීම, රාජ්‍යයන් අතර සම්බන්ධතා කිට්ටු වීම, රාජ්‍යයන් අතර සහයෝගය මෙන්ම ගැටුම් යනාදිය නිසා ආණ්ඩුවේ අභ්‍යන්තර මෙන්ම බාහිර කාර්යයන් ද විශාල ලෙස පුළුල් වී තිබේ. එබැවින් එම කාර්යයන් කිරීම සඳහා පුද්ගලික අංශයේ ද, සිවිල් සමාජයේ ද සහයෝගය ලබා ගැනීමට ආණ්ඩුවලට සිදු වී තිබේ.

පළල් වපසරියක විහිදෙන කාර්යයන් සතුවීම නිසා නූතන ආණ්ඩුව ඉතා සංකීර්ණ එකක් බවට පත්ව ඇත. එම නිසා සමහර ආණ්ඩු පෞද්ගලික අංශය සහ සිවිල් සමාජය සමඟ ගොඩනගාගත් සහසම්බන්ධතා සහිතව ක්‍රියාත්මක වෙයි.