C-NEXT සමග Eduhelp

කළුතර කලාප අධ්‍යාපන කාර්යාලයේ උපදේශන හා වෘත්තීය මාර්ගෝපදේශන ඒකකය සංවිධානය කළ C-NEXT-2025 උසස් අධ්‍යාපන, වෘත්තීය අධ්‍යාපන හා රැකියා පිළිබඳ මාර්ගෝපදේශන වැඩසටහන කළුතර කටුකුරුන්දේ ඇක්වයිනාස් ආයතනයේ දී පැවත්වුණි. එහි ප්‍රධාන ආරාධිතයා වූයේ කළුතර කලාප අධ්‍යාපන අධ්‍යක්ෂ ඒ. යූ. වික්‍රමාරච්චි මහතා ය.  මේ වැඩසටහන සදහා සඳහා රාජ්‍ය හා රාජ්‍ය නොවන ආයතන 30කට ආසන්න සංඛ්‍යාවක් සහභාගී වූ අතර සංවිධානය, පූර්ව ප්‍රචාරණ කටයුතු ආදිය වඩාත් හොඳින් සිදු කර තිබූ නිසා සමස්ත වැඩසටහන සඳහා අති සිසු දරු දැරියන් විශාල පිරිසක් සහභාගී විය.

එඩියු හෙල්ප් ආයතනය ද මේ සඳහා  සහභාගී වූ අතර එය එඩියුහෙල්ප් ආයතනයේ පළමු මහජන සම්මුඛය විය.  මීට වසර 3කට පෙර  2022 වර්ෂායේ ජූනි 3 වැනිදා ආරම්භවූ අප ආයතනය eduhelp.lk වෙබ් අඩවිය සමග සැලකියයුතු තරම් දුරක් මේ වන විට පැමිණ තිබේ.  විශේෂයෙන් ම අපගේ වෙබ් සේවාව ලංකාවේ අධ්‍යාපන ක්ෂේත්‍රයේ කේන්ද්‍රයක් බවට පත් වෙමින් පවතී. අධ්‍යාපනික වටිනාකමක් සහිත  රාජ්‍ය ආයතන, අර්ධ රාජ්‍ය ආයතන, පෞද්ගලික ආයතන, අන්තර්ජාතික ආයතන රැසක් සඳහා ප්‍රවේශයන් සපයන අතර විශාල ඉගෙනුම් සම්පත් ප්‍රමාණයක් සැපයීමට මේ වන විටත් අපි සමත් වී සිටිමු. පින්තූර, දැනුම, පරීක්ෂණ ඇතුළු සේවා රැසක් මේ ඔස්සේ නොමිලේ ම සැපයේ. මේ නිසා ම ඉතා ඉහළ ප්‍රතිචාර හිමිකරගැනීමට අපට හැකියාව ලැබුණි.

C-NEXT මනාව සංවිධානය කළ කළුතර කලාප අධ්‍යාපන කාර්යාලයේ උපදේශන හා වෘත්තීය මාර්ගෝපදේශන ඒකකයටත්, එහි සහකාර අධ්‍යාපන අධ්‍යක්ෂ තුමියටත්, ගුරු උපදේශකතුමියටත්, සම්පත් පුද්ගල සැමටත්, ඔවුන් සමග සහයෝගීව කටයුතු කරමින් මෙම කාර්යය පිළිබඳ උනන්දුවෙන් කටයුතු කළ කළුතර අධ්‍යාපන අධ්‍යක්ෂතුමාටත්, කොට්ඨාස අධ්‍යාප අධ්‍යක්ෂ සැමටත්, අප ආයතනය වෙනුවෙන් මේ සඳහා සහභාගීවූ අප කණ්ඩායමේ සැමටත් කෘතඥතාව පල කරන අතර වාර්ෂිකව C-NEXT සංවිධානය කිරීමට හැකියාව ලැබේවායි පතමු.